معلومات هامه عن الـ ip وكيفية معرفة مكان صاحب الـ ip

**the king** الثلاثاء 27 أبريل 2010, 19:02

كتير مننا بيستخدم الانترنت كل يوم وبيعمل شبكه مع جهاز تاني
وميعرفش الفرق بين الـ static ip والـ dynamic ip
وفي ناس متعرفش يعني ايه ip اصلا
ip هي اختصار لكلمة internet protocol وهو بروتوكول بعرف اي حاجه بتنقلها رايحه فين وجايه منين
في منه v4 و v6 واكثرنا بيستخدم v4
والـ ip بيتكون من 32 بت بيعرفونا عدد المستخدمين وعدد المستضيفين
مثال بسيط علشان محدش يتوه مني الـ ip ده بالظبط زي رقم التليفون لازم انا يبقي عندي رقم تليفون وانت عندك
رقم تليفون علشان نكلم بعض ، برضه كل جهاز بيبقي ليه ip علشان يقدر يكلم الجهاز التاني

وفي حاجه اسمها الـ static ip ده ثابت للشبكه بتاعتك مش بيتغير ممكن يقعد سنين
ممكن تعرفه من اللينك ده

ادخل هنــــــــــاhttp://whatismyipaddress.com/staticpages/index.php/lookup-ip

وفي الـ dynamic ip ودا اللي احنا بنستخدمه و بيتغير كل مره بتفتح الانترنت او بتعمل ريستارت للروتر

طيب ليه مش كل جهاز في العالم ليه ip ثابت ويريحو دماغهم طبعا دا مينفعش لأن في ملايين الاجهزه
وكل يوم في الاف من الاجهزه بتضاف والاف اخري بتترمي.
وطبعا موضوع الـ dynamic ip دا كان مفيد جدا مع موقع الرابيد شير ل
لأنك لما كنت بتحمل حاجه وتيجي تحمل تاني ويقولك استني 50 دقيقه
ببساطه كنت بتعمل ريستارت للروتر بتاعك فتاخد ip جديد وتقدر تحمل كانك مستخدم جديد.

وكمان فيه حاجه تانيه من اللينك اللى فوق ده ممكن تعرف مكان IP
يعنى لو عرفت الـ ip بتاع اى حد تقدر تحطه فى الخانه اللى ظاهره وتعرف مكانه بالظبط على الخريطه

ان شاء الله اكون قدرت افيد